ESTA PERRA VIDA

Son les ocho menos cinco y tengo que tar a les ocho na esquina pa que me coga el coche de un compañeru y dir a Corvera. Ya llegué tarde otru día y paecío-y mal al rapaz que siempre ye puntual y repunante. ¿Por qué llegare tarde? Pues porque se m'escaeciere la carpeta de los papeles y exámenes y un discu CD cola canción que diba a enseñar, etc. ¿Y por qué m'olvidé de la carpeta? Pues porque había correxío exámenes dende las 6:30 de la mañana y preparao daqué que nun preparare porque el día anterior yá taba agotáu y fuere pala cama más temprano con idea de madrugar más ceo y ansí acabar. Pero llueu daste cuenta que los pantalones tan ensin planchar y la camisa. Busques ente la ropa llavao que ta ensin colocar porque nun hai tiempu y porque si coloques la ropa nun metes los platos nel llavaplatos y queden toos amontonaos. Y bien ye verdá que la guaja podía ayudar y facélo, pero eso quier decir que la habría que forzar y llueu escándalos y chantaxes y el gastu d'enerxía podría ser descorazonador y al final los pas pierden o bien por agotamientu o bien por que castigar hoi día ye siempre mui problemático y la sociedá nun ta por "castigar a los chicos con quienes hai que negociar y razonar" pero que un buen morrazu también hubiese bueno en otra época, pero esta ye una época de blandura humanista onde la maldá humana y l'astucia tienen tamién el campu llibre con más cinismu y crueldá refinada. Al final prefieres meter los platos y pensar que a la guaja yá-y vendrá'l so día d'enfrentase a los problemas con rabia y cara perru, pero la ropa queda ehí ensin colocar y ensin planchar. Robbie enseña pola mañana y pela tarde y a vegades tien que dar ponencies los fines de selmana y preparales. O seya: tamos afogaos de trabayu.

Llego a la esquina y el coche yá ta llegando. Hoy llegué bien, pero toi cansáu de caminar a marches forzaes cola bolsa costáu cargada de llibros y la carpeta. El meniscu de la rodiella resiéntese y ¡joder! yá tengo casi 52 años p'andar ansí corriendo pola cai. La espalda téngola recargada y les llumbares tan dures como piedres según la masaxista a onde voi a sesiones. Pero entós yo pensaba que mañana a lo meyor tendría más tiempu pa descansar y ver alguna película o lleer tranquilín o escuchar música. Non. Al día siguiente tengo cita cola dentista pa poner una corona n'una muela. Son casi dos hores ellí aguantando esmeril y molesties y afogamientos col agua qu'entra pol gargüelu. Salgo del dentista y tengo que dir pal Hospital de Covadonga allá arriba en El Coto pa facer rehabilitación de un codu que recalqué porque una nueche d'eses d'insomniu por que nun sabes por qué nun tas durmiendo debío a lo meyor a que pienses nes clases tan cabrones que tienes, y entós a les tres de la mañana taba sentáu nel sofá del comedor y siento un ruidu estrepitósu. Será la basura, pensaba yo. Pero el ruidu seguía y yera un ruidu estremecedor y entós abro la puerta y siento un ruidu atronador que vien d'abaxo. Enciendo la lluz del soportal y n'esi momentu llega l'ascensor y ábrense les puertes y ta oscuro y caen goterones d'agua y yo pienso que paez una velea de terror o quiciás toi allucinando. Entós garro les escaleres y decido con ciertu mieu ver qué redios ye lo que ta pasando. Sigo, baxo y llego al portal y ¡¡mecagonross!!: salía agua como un torrente por el armariu los contadores d'agua. El portal tou inundáu y saliendo agua a la cai y baxando al garaxe y aquello yera tan siniestro como absurdo. Les tres y algo de la mañana y yo sólu y naide despertaba magar el ruidu atronador y pensando ¡redios! que bien duerme la xente!! que nun despierten ni pa dios!!

Ansí que fui a llamar al jefe portal, pero dábame non sé qué llamar a la xente a eses hores. ¡Joder! qué pensarán y vaya sustu y a lo meyor ye que yo toi allucinando con to esto. Llamé al timbre y naide salía. Torné al portal a ver cómo diba la cosa del agua y CAGONLABIRSCHA, nun despertaba naide de los primeros o nun queríen despertar y responsabilizase de lo que taba pasando. Subo otra vegada y doime cuenta que'l ascensor sube y baxa y ábrense les puertes nel primeru y l'agua cayendo pol ascensor y l'ascensor a oscures y yera como si un demoniu lu tuviera moviendo. Torno a llamar al xefe portal y espero. Nun sal. Agora pico a la puerta y yá sale él la muyer y la fía y hasta un nietu tou asustáu y toos en faldeta asustaos y yo toi en pijama que ye un pijama ridículu cola bragueta que casi se ve'l merucu soi mires atentu. Y entós esplicoi al vecín tou asustáu lo que pasa y entós él pon una bata guapa y curiosa que yo quiero comprara cuantayá pero que nun m'alcuerdo y nun tengo tiempu y tampoco ye tan importante o eso creyía yo hasta esti momentu en que me doi cuenta que sí lo pue ser. Y entós el vecín cola so bata y yo col pijama grandón y de mal gustu y probe y descuidáu y desbraguetáu sígolu y yá abaxo hai otros vercinos con bates curioses y yo entós al baxar los escalones finales pues resbalé y peguéme un hostiazu y apoyé mal col codu y recalquelu anque nun sentía na n'esi momentu a les poques selmanes empecé a sentir dolor y dime cuenta que daqué quedare mal. Ansí que llueu tuve que dir a llamar a los bomberos y el vecín-xefe portal pues entró a casa tamién y la casa taba fecha una gocha con ropa interior per equí y per allá y la mesa con platos de güevu seco los vasos de lleche y vino y los zapatos per ehí tiraos y los gatos zumbando. Qué rabia!!! Qué rabia esa ruptura de la intimidá!!! Y los bomberos nun queríen venir y faciéndose de rogar y pidiendo datos y llueu llamamos a la policía municipal y llueu otra vez a los bomberos otru vecín col mio teléfonu y el pijamón miu miserable y la braguetona medio abierta porque nun sijetaba bien..y la casa sucia y .....

Al final vinieron los bomberos y too enlleno d'agua y abrieron un rexistru de la cai y cerraron el agua y yeren yá les cuatro y media casi y tolos vecinos en faldeta adecuada y yo fui pa casa y pala cama y Robbie y la neña yá tornaben tamién y la primera clase a les ocho y media con 3º de la ESO y ensín dormir y amargáu y muertu suañu y a correr pa llegar a la esquina a más de mediu kilómetru a les ocho pa que te garren a la hora porque los que vienen nel coche tan orgullosos de llegar temprano y bien y si tu llegues algo tarde pues paez mal facer esperar a la xente y rollos patateros que compliquen muncho les relaciones.

Pues fuere entós al hospital pa facer la rehabilitación y yá yeren les ocho y tou corriendo y sofocáu porque nun tengo coche porque lu tien que llevar Robbie a La Calzada pa enseñar na academia y llueu volver pa enseñar una clas parícular a les nueve. Pero les cleses téngoles ensin preparar y hay exercicios que requieren tiempu y mañana hai que dir una reunión al Xovellanos, al institutu, porque la neña va a Francia a un intercambiu y hay que tar ellí a les cinco y hai que recoyer documentos y hores de llegades y papeles que hai que xestionar: permisu de la policía por ser menor, pasaporte que ta caducáu y que recomienden llevar. La francesa corresponsal llega el llunes y hai que dir a recoyela y llevala all' y p'acá y ye una persona que hai qu'atender y ya nun descanses y ye una preocupación añadida y hai que dir a non se donde y patatín y ya son les nueve y nun tuviste tiempu pala rehabilitación y los platos nun te dio tiempu y nun pudiste dir a tomar la cervecina al bar d'abaxo (fai tiempu que non lo faes) y la camisa de mañana ta ensin planchar y los exercicios mal correxíos y les clases garraes con alfileres pero qu'eso págase llueu na clas porque si tas floxu o inseguru pues los chavales dante como pal zorru y a quién-y espliques el tu problema??

Pero cuando yá creía que diba ser más tranquilo resulta que la selmana presenta horarios de tarde pa reuniones de pre-evaluación y entós el coche y Robbie y taxis y sin tiempu y sin rehabilitación y mañana a la segunda sesión de la dentista y cuándo y cómo. Garro el coche y sin tomar esa siestina restablecedora y con sueñu de mala dixestión y prisa porque voi xustu de tiempu y la mio reunión entama a les cuatro doime cuenta qu'el coche mete ruidu como de dir a escape llibre. Algo pasa col escape. Hai que buscar tiempu pa llevalu al garaxe y amás hai que yá cambia-y l'aceite y el mandu a distancia del garaxe resulta que queda'l botón fiju y la lluz encendía y la puerta ábrese y ciérrase y nun soi quien a que'l botón se salga del agarrote que tien. Rompe. El botón rompe y tengo que salir del coche y usar la llave. Ya voi tarde. Cagonla virgen!!!!!!!!!!!!!!! Y estos mandos valen un gúevu y pedilos ye la de dios porque nun val dir a cualquier sitiu. Tienen un códigu y hai que falar col alministrador, etc..

Dicenme nel garaxe que la avería nun ye del silenciosu sinon del catalizador. "SIéntate" me diz el mecánicu "estos catalizadores son carísimos: salte por 80.000 ptes y hai que pedilu a Valencia y...." Pero esto ocurre el viernes que ye fiesta pa los profes y pensaba dormir la mañanina y lleer y bla, bla. Pero esti vienres ye'l día que Roxana tien que dir pa Francia y hai que llevantase a les siete pa dexala a les ocho nel institutu. Y después de dexala pues ye cuando pienso en llevar el coche al garaxe porque mete munchu ruidu y doi el cante pela cai como si fuese un gamberro de rally y amás toi despeináu porque esti pelu níu siempre fue rebelde y grasientu. Y ye cuando me dicen esto del catalizador. Pero ye que cuando la neña va a subir al autobús resulta que faltaba el permisu de la policía pa salir un menor del pais. Y la profesora responsable pídenos esi papel y Roxana ye la única que nun lu tien y hai cabr´´eu y siéntome como la mierda porque esi papel quedábame tan remotu como la galaxoia Andrómeda pero pa esa profe n'esi momentu yera perimportantísimo porque si paren l'autocar na frontera y piden papeles menudu inconveniente. Quiero marchar. La guaja échame la culpa porque yo tuve na reunión de marres y tolos pas miren pa min y yo quiero que la tierra me trague y marchar lejos, lloñe!!! Al final queda en que tengo que sacar el permisu y mandalu por fax a una profe francesa de Bendillac o la madre que lo parió. Corre que te corre pa casa a buscar el llibru familia pues el carné llévalu la guaja que por ciertu ella sí sabía lo del papel en otres munches reuniones que tuviere y que-y lo recordó la profe pero los rapazos de guei nieguen too y tiren balones fuera porque son lo putos amos del socialismo PSOE demagóxicu y light y apetezme dai un morrazu blasfemu y políticamente muy, pero que muy incorrectu y malváu ante aquellos pas medicos y abogaos y progres de clase media de la paz colos niños y coses paecíes....Pero resulta que Robbie n'esi momentu quier presentame a los pas de nun sñé quien y estos americanos siempre tienen que presentar a xente y decir es mi esposo o esposa y qué bueno y coses ´d'eses y TENGO QUE PONER CARA PERRU agradecñiu y saludar a esi y esa que nun sé quien son y son asturianos y polo xeneral nun se presenta yy.....paso el tragu.

Vamos pa casa a por el llibru familia y llueu quedamos en dir a tomar un chocolate enantes de facer la xestión del permisu. Robbie ta con una ponenecia que tien que dar en Uviéu pola tarde y ta nerviosa. Vamos pa casa y busca que busca el llibru familia. Tou cabreáu busco y abro y cierro caxones y cagome hasta en tolos santos y Robbie esperando abaxo y sube y qué pasa y no encuentro y tu tampoco y esto y equí y allá y al otru llau y garro la llinterna y miro nos ricones siniestros y oscuros de la casa y na. Y torno a mirar na carpeta onde debía tar y no NOOOO!!!!!!!!!!!Pero ye ehí onde siempre meto el Llibru de Famulia... Al cabu de un ratu en que me siento a relxar el cabréu y pensar qu'esti mundu ye una esclavitú ensin fin y el universu una puta mierda y tal, pues dame la corazoná de que tengo que mirar otra vez na carpeta. Y efectivamente taba ellí pero taba tan bien guardáu el llibru dientru otra subcarpeta y subcompartimento de plásticu que nun se vía. Quise pega-i una patá al gatu que taba allí compadeciéndose de min pero dióme pena d'él: él yera un gatu feliz y bien cuidáu y nun tenía culpa de na. Yo yera l'animal. Fui pala comisaría y púnseme a la cola. Pero mientes lleía el periódicu pensaba que quiciás necesitaría una foto de la neña o cualquier documentu que me fadría dar la vuelta. Fui a facer la pregunta'l funcionariu. Usté necesita el carné de la chiquilla. Pero el carné llevólu ella a Francia. Pues no sé va poder hacer ese permiso. Pero es que lo necesita (la xente yá molesta y gruñona). Tenga y rellene este impreso. Adios. Salgo desconsoláu. Cagontal!!! Tiro pal Natahoyo. Tomo un café y relleno l'impresu y oh dioses doime cuenta que metíu nel llibru famulia hai un carné de Roxana de antes de cambiar la s pola x (esto si que ye otra odisea que nun voi contar agora), pero qu'el carné ye actual y caduca el 2005, solo que'l nome nun ye Roxana sinon Rosana y ye un carné comíu polos gatos nos bordes: un carné un tanto cutre y torcíu y picoteáu polos colmillos felinos que nun dexen na ensin arañar o morder.

Fui p'allá y por suerte nun había muncha xente, pero mecagón la virgen!!!! el impresu nun taba bien rellenáu había puesto el numberu de carné d'identidá míu ondel númberu identidá del funcionariu. Yera otru funcionariu y nun tenía el pesar de que me preguntara pero si usté nun tenía el carné de la guaja y agora....presenta esti cachu plásticu mordíu ....Pero taba ellí al llau gueyando con mala lleche....y sellando documentos y mirándome de reojo. Relleno otra vez el impresu y la funcionaria mira y remira y mira el carné vieyu de Roxana y llueu el llibru familia onde'l nome ta cambiáu oficialmente a Roxana y dizme "le falta poner el Beatriz" "sí, ye verdá yo creí que era redundante poner esi segundu nome, déjeme añadirlo" "No. No puede añadir nada noi raspar nada, etc" Otra vez a rellenar el impresu y mientres marcha la funcionaria y acabo y nun vien y el otru mirando y yo nerviosu y por fin vien la funcionaria mira y pon el sellu.

Fue cuando después me dicen lo del catalizador del coche y la broma y entós saliendo del garaje doime cuenta que ellí ta Mari Luz la de la llimpieza que tenía cuantayá de falar con ella por cuestión de la llimpieza el portal y falo y quedamos en qu-y tengo que decí-y cuando son les feches y yo nun sé y tengo que dir al portal a mirar pero ye tarde y tengo que intentar llegar a otru garaxe a ver si me puen soldar el catalizador con soldadura especial pa aguantar ensin pagar 80.000 ptes....y llego pero yá cerraron y a les cuatro tengo sesión de masaxe pa desentumecer les presiones musculares y estreses pue toi con contractures frutu de males postures, falta exerciciu, estress, etc.....